Киев, 11 октомври 2011 (МИА) - Поранешниот премиер на Украина, Јулија Тимошенко денеска е осудена на седум години затвор поради злоупотреба на службената положба. Покрај тоа, таа ќе треба да плати и 1,516 милијарди гривни (200 милиони долари) на Украина за нанесена штета.
Судот во Киев ја прогласи Тимошенко за виновна поради надминување на овластувањата при потпишувањето на договорите со Русија за доставување гас во 2009 година, изјави пред неколку часа претседателот на Судот, Родион Киреев при читањето на пресудата, истакнувајќи дека цената на гасот не одговарала на претходно постигнатиот договор.
Судијата го прифати тврдењето на Обвинителството дека со постапките Тимошенко и нанела загуба на украинската компанија „Нафтогас“ во висина од 1,5 милијарди гривни (околу 187 милиони долари). Киреев не ја соопшти казната. Обвинителот побара седум години затвор за Тимошенко.
Таа го отфрли обвиненијата, тврдејќи дека е жртва на нејзините политички противници и во судската сала ги повика Украинците да не стравуваат од авторитарниот режим на претседателот Виктор Јануковиќ.