Москва, 11 октомври 2011 (МИА) - Рускиот премиер Владимир Путин денеска во Пекинг изјави дека
пресудата за поранешната украинска премиерка Јулија Тимошенко е опасно, бидејќи може да ја загрози енергетската соработка меѓу Москва и Киев.
- Опасно и контрапродуктивно е да се доведува во прашање цел пакет договори. Не разбирам зошто и изрекле казна од седум години затвор, изјави Путин.
Руското Министерство за надворешни работи во своето соопштени наведе дека е очигледно дека пресудата има „ антируски подтекст“ и дека тоа ќе има последици.
Украинскиот суд денеска и изрече пресуда на Тимошенко од седум години затвор поради пречекорување на овластувањата при потпишувањето на договорите со Русија за доставување гас во 2009 година. Покрај тоа, таа ќе треба да плати и 1,516 милијарди гривни (околу 190 милиони долари) на Украина за нанесена штета.