Москва, 7 декември 2011 (МИА) - Рускиот премиер Владимир Путин денеска до Централната изборна комисија (ЦИК) ја предаде неопходната документација за кандидатура на претстојните претседателски избори во Русија, кои ќе бидат одржани во март 2012. година.
- Целокупната доставена документација ќе биде проверена во следните пет дена, изјави Нина Куљасова, заменик шеф на Централната изборна комисија.
Путин е првиот од кандидатите кој ја достави документацијата за претседателските избори кои ќе бидат одржани во Русија во март 2012. година.