Спасувачките екипи постојано го пребаруваат насуканиот брод Коста Конкордија. Нуркачите се жалат дека неподносливата миризба од распаднатите тела во внатрешноста на бродот им ја отежнува потрагата.
- Замислите дека се враќате дома од одмор и откриете дека фрижидерот не ви работи веќе подолго време. Во такви услови работат нуркачите, изјави шефот на пожарникарската екипа Енио Аквилио.
Спасителите вчера во бродот најдоа уште две женски тела, со што бројот на жртви се искачи на 15. Уште 25 луѓе се сметаат за исчезнати. Експертите тврдат дека бродот е стабилен и дека наскоро ќе се започне да се испумпува гориво од него, што би можело да потрае до три месеци.