Париз, 22 март 2012 (МИА) - Францускиот министер за внатрешни работи Клод Геан пред новинарите потврди дека Мохамед Мерах е убиен.
Одлуката за вооружена полициска акција била донесена, според Геан, откако по последниот контакт со убиецот тој открил дека не сака да се предаде, како што претходно најавуваше, откривајќи дека има намера да убие и други полицајци, јави дописникот на МИА од Париз.
Специјалните сили влегоа во станот изутринава и со помош на технички средства - видео камера тие извршиле инспекција на станот, при што откриле дека тој се крие во бањата. Тој излегол од бањата и започна да стрела со досега, како што рекол еден искусен припадник на полицијата, невидено насилство. Потоа полицијата одговорила со стрелба, заштитувајќи се.
Мохамед Мера потоа скокнал од прозорец со оружје в рака и продолжил да пука. Тој беше пронајден мртов на земја.
Клод Геан го поздрави професионализмот на полицајците, соопштувајќи дека при акцијата двајца полицајци биле ранети, меѓу кои еден во ногата а еден бил во шок.