Германскиот канцелар Ангела Меркел изрази увереност дека Велика Британија ќе остане во Европската унија и покрај тоа што премиерот Дејвид Kамерон во средата вети дека ќе свика референдум дали државата да излезе од ЕУ.
– Можам да ве уверам дека Дејвид Kамерон и Велика Британија остануваат дел од Европската унија, изјави таа во Сантјаго каде се одржува средба на ЕУ и Заедницата на држави од Латинска Америка и Kарибите.
– Може да разгледаме промени. Ќе го направиме тоа на пријателски начин. Во Европа во крајна сметка човек треба да постигне компромис, нагласи Меркел. Таа додаде дека Kамерон и укажал на Светскиот форум во Давос дека има намера да работи за тоа Велика Британија да остане дел од ЕУ.