Рим, 14 февруари 2013 (МИА) - Последниот поттик, што го убеди папата Бенедикт Шеснаесетти да се повлече бил извештајот на тројцата кардинали од Ватикан, задолжени од него да спроведат истрага за објавувањето на папските документи во медиумите, објави италијанското списание „Панорама“.
Списанието тврди дека папата ја донеле одлуката за абдикација уште на 17 декември минатата година, кога го добил последниот дел од доверливиот извештај. Во него биле опишани интригите и конфликтите во Ватикан. Од извештајот се гледа дека кардиналите се против промените и против дејствувањето на папата, пред се за поголема транспарентност на Ватикан.
„Панорама“ посочува дека дел од внатрешната борба во римокатоличката хиерархија било и масовното истекување на документи од папската канцеларија, односно доставување на документите до медиумите од тогашниот секретар на папата Паоло Габриеле.
Извештајот бил подготвен од тројцата кардинали: Словакот Јозеф Томко, Шпанецот Хулиан Ерсанс и Италијанецот Салватори ди Џорџи.