Рим, 2 октомври 2013 (МИА) - Италијанската влада доби убедлива поддршка во Сенатот, пренесоа американските медиуми.
За поддршката на коалициската влада на премиерот Енрико Лета гласаа 235 сенатори во 321-члениот Горен дом на парламентот, а за изгласување доверба беа неопходни само 161 глас. Против беа 70 сенатори, еден се воздржа и 14 не учествуваа во гласањето.
Резултатот од гласањето во Сенатот беше очекуван. Преживувањето на владата практично беше гарантирано откако лидерот на десноцентристите Силвио Берлускони, кој самиот ја предизвика сегашната владина криза откако пред четири дена ги повлече своите министри, денеска пред седницата на Сенатот изјави дека ќе го поддржи кабинетот на Лета.