Берлин, 1 ноември 2013 (МИА) - Поранешниот вработен во американската Агенција за национална безбедност (НСА) Едвард Сноуден подготвен е да сведочи за тоа како САД ја шпионирале германската канцеларка Ангела Меркел, изјави пратеникот во германскиот Парламент од опозициската Партија на зелените, Ханс Кристијан Штребеле.
Изјавата на Штребеле уследи по неговата вчерашна средба со Сноуден во Москва.
Во соопштението од партијата се наведува дека Сноуден, кој објави доверливи податоци за програмата на НСА за следење на телефонските комуникации и интернет преписки, испратил писмо до Штребеле - „за германската Влада и германско сојузно јавно обвинителство“.