Киев, 2 декември 2013 (МИА) - Прашањето за воведување вонредна состојба во Украина засега не е покренато, изјави денеска портпаролот на кабинетот на украинскиот премиер Микола Азаров, Виталиј Лукјаненко.
Лидерот од опозициската партија „Татковина“, Арсеник Јаценјок изјави претходно денеска дека украинскиот претседател Виктор Јанукович побарал да се свика седница на Советот за национална безбедност и одбрана и да се воведе вонредна состојба.
Според некои извештаи, и локалните власти во некои региони можеби денеска ќе побараат итни седници за воведување на вонредна состојба.
Според украинското законодавство вонредна состојба може да се воведе со претседателски указ, кој треба да биде одобрен од Врховната рада во рок од два дена од неговото прогласување, но во исклучителни ситуации шефот на државата може тоа да го стори и без најава.
Станува збор за ситуации „во кои се потребни итни мерки за спасување на населението и со цел да не се дозволи губење на човечки животи“.
Со законот се овозможува да се воведе вонредна состојба во Украина, која нема да биде подолга од 30 дена и не повеќе од 60 дена во одделни делови од земјата.