Киев, 20 јануари 2014 (МИА) - Судирите меѓу симпатизери на опозицијата и полицијата во центарот на Киев продолжија и денеска.
Во моментот на централниот плоштад во главниот град на Украина има повеќе од две илјади демонстранти со гас-маски. Демонстрантите фрлаат со петарди, додека полицијата употреби солзавец.
Улицата каде вчера почнаа протестите е затворена со остатоци од изгорени автобуси зад кои се кордони полицајци со штит.
Демонстрантите фрлаат и сол врз улицата која е замрзната од употребата на водени топови во вчерашниот ден. Полицијата привела досега 20 луѓе, додека околу 100.000 полицајци побарале медицинска помош.
Шеесет и еден од нив се хоспитализирани. Во итната медицинска помош и болници во градот од синоќа до денеска помош побарале 103 учесници во протестите. Четириесет и двајца демонстранти се хоспитализирани од кои четворица се со тешки повреди.