Доњецк, 14 април 2014 (МИА) - Во градот Горловка, источна Украина денеска се судрија полицијата и неколку стотина проруски демонстранти.
На снимката емитувана на телевизија „Раша тудеј“ се гледа како демонстрантите се обидуваат да постават руско знаме на влезот од седиштето на полицијата во Горловка, а полицијата отвори оган.
Се уште не е познато дали во инцидентот има повредени лица, но руското знаме веднаш е симнато. Демонстрантите се уште се пред седиштето на полицијата.
Горловка е град со повеќе од 250.000 жители и се наоѓаат во Доњецката Област, во источниот дел на Украина.