Женева, 15 април 2014 (МИА) - Украина најави дека за време на четиристраните преговори, кои ќе се одржат в четврток во Женева, нема да разговара за прашања поврзани со нејзиното внатрешно уредување, кои би вклучувале и теми за евентуална нејзина федерализација.
Украинскиот амбасадор во ОН, Јуриј Клименко истакна дека Украина сака да ги искористи преговорите со САД, Русија и ЕУ во Женева за намалување на тензиите на руската граница и за обновувањето на трговските односи со Москва.
Според Клименко, немирите во источниот дел на Украина се „исфабрикуван изговор“, со кој Русија се обидува да постигне неуспех на преговорите.