Одеса, 16 април 2014 (МИА) - Проруски активисти на „Антимајдан“ прогласија денеска свој регион - Народна република Одеса и ги повикаа граѓаните да го блокираат сообраќајот во градот, јави радиото Глас на Русија.
- Од денеска, регионот на Одеса станува Народна република Одеса, во која власта му припаѓа на народот кој живее на нејзина територија, се вели во соопштението на официјалната Интернет страница на „антимајдановците“.
Активистите ги повикаа граѓаните да го блокираат сообраќајот во Одеса и обележаа 153 места на мапата која треба да биде блокирана. Планирано е да се запрат сите видови превоз, со исклучок на возилата на брза помош.
- Од утре до 16 часот, Одеса мора буквално да биде блокирана, се вели во апелот.
- Секој кој досега не сфатил дека војната дошла на наша врата, не треба да се оди утре на работа, соопштија активисти на „Антимајдан“.