Торез, 21 јули 2014 (МИА) - Тимот холандски експерти денеска ги истражува телата на загинатите при уривањето на малезискиот авион во Украина, кои се донесени во воз во гратчето Торез, во близина на реонот на падот на авионот.
Со маски на лицата, придружени од претставници на Организацијата за безбдност и соработка во Европа (ОБСЕ), експертите ги отвориле петте вагони, за кои се тврди дека се ладилници.
Тие информации можеби не се точни, бидејќи според репортери присутни на местото, од вагоните се ширела силна миризба.
И покрај тоа Петер ван Вилет, судско-правен експерт, кој раководи со тимот, рече дека телата, кои според ИТАР-ТАСС се на 251 жртви и 66 делови од тела, се чуваат во добри услови.
На местото на несреќата, според последните податоци се пронајдени 272 тела, изјави украинскиот премиер Арсениј Јацењук.