Париз, 22 јули 2014 (МИА) - Британскиот премиер Давид Камерон бара од Франција да „престане со продажбата на воени бродови на Русија“, се наведува на првата страница денешното издание на „Тајмс“, пренесува дописникот на МИА од Париз.
Обраќајќи се до парламентот британскиот премиер ја изразил неговата иритираност од европските сојузници кои се воздржани околу воведувањето на построги санкции против Русија, по рушењето на макезискиот патнички авион во Украина. Во таа прилика Камерон ја напднал Франција, која не се откажува од договорот теѓок 1,2 милијарди евра за продажба на двата воени брода од типот Мистрал (носачи на хеликоптери) на Русија.
Францускиот претседател Франсоа Оланд, на вечерата со акредитарните новинари во Елисејската палата уште еднаш ја отрфли можноста да не и го испорача првиот воен брод на Русија, на кој веќе се вежбаат руските морнари. Додека за вториот брод, евентуалното одложување или откажување на испораката на бродот би било само ако бидат воведени нови построги санакции против Русија.