Русија ја засилува Црноморската флота на КримСевастопољ, 23 јули 2014 (МИА) - Русија најави дека ќе ја засили Црноморската флота, стационирана на украинскиот полуостров Крим, кој во март беше анектиран од Москва.
- Денеска почнавме да развиваме моќна Црноморска флота, изјави командантот на Црноморската флота на воено поморските сили на Русија, вицеадмиралот Александар Витко, спомнувајќи поморска авијација, крајбрежна артилерија, нови бродови и подморници.
Рускиот претседател Владимир Путин вчера изјави дека Русија треба да воспостави воена инфраструктура во Севастопољ за да ја засили одбраната на земјата како одговор на засиленото присуство на НАТО во Источна Европа, пред се во Црно и во Балтичко Море.
|