Во Чешка се предлага задолжителна триесетпроцентна застапеност на жените на избори

Прага, 25 јули 2014 (МИА) - Жените треба да бидат застапени најмалку 30 проценти на парламентарните и регионалните избори, во спротивно политичките партии ќе добијат за една третина помал надомест од државата за освоените мандати, предлага чешкото Министерство за внатрешни работи.

Целта на Предлогот е да се оствари поголема вклученост на жените во јавниот и политичкиот живот во земјата, јави дописникот на МИА од Прага.

- Застапеноста на жените во чешката политика е континуирано на ниско ниво. На рангирањето на Интерпарламентарната унија, Чешка во моментов е на 60-тото место од 144 земји, заедно со Еритреја и Узбекистан, се вели во образложението на Предлогот.

И во рамки на ЕУ, застапеноста на жените во избраните државни органи се потпросечни.
Со предложените квоти за женските кандидати исто така се предвидува и нивното место на кандидатските листи, за да се избегне формалното ставање жени на изборните листи.
Според актуелните податоци, застапеноста на жените во чешкиот Парламент и во локалните преставништва е околу една петтина од вкупниот број и според забелешките во Предлогот, поголема застапеност на жените не може да дојде по природен пат.