Минск, 1 август 2014 (МИА) – Трилатералната Контакт група претставници од Украина, Русија и Организацијата за безбедност и соработка во Европа (ОБСЕ) по вчерашната средба во Минск побара моментално ослободување на киднапираните и сите лица притворени за време на конфликтот во Југоисточна Украина.
Неопходно е ослободување на голем број луѓе што се лишени од слобода, се наведува во соопштението на ОБСЕ по средбата на групата во главниот град на Белорусија Минск.
Контакт групата за Украина повторно го истакна ставот дека ослободување на киднапираните и сите незаконски притворени лица е значителен елемент за постигнување одржлив договор за прекин на огнот, се наведува во соопштението на групата, пренесува ИТАР-ТАСС.
Групата меѓу другото предлага контрола на границата меѓу Украина и Русија.
Контакт групата идната седмица ќе одржи уште еден состанок.