Берлин, 20 август 2014 (МИА) - Германија е подготвена да им испрати оружје на курдските безбедносни сили во северен Ирак, кои се борат против милитантните исламисти од организацијата Исламска држава, изјави денеска шефот на германската дипломатија Франк Валтер Штајнмајер.
Тој наведе дека веднаш можат да бидат испратени шлемови и панцири за курдските борци.
- Велика Британија, Франција и Италија одлучија да испратат оружје, а и ние сме подготвени да го направиме истото, посочи Штајмајер, додавајќи оти опремата и оружјето треба да им овзоможи на Курдите да се одбранат од нападите на Исламска држава.