Луганск, 21 август 2014 (МИА) - Борбите во украинскиот град Луганск продолжуваат, неговите жители веќе втора недела немаат вода и електрична енергија, а во прекин е и телекомуникациската мрежа.
Според локалните власти, во продавниците се уште има леб и најпотребните животни намирници, но снабдувањето со храна, лекови и течно гориво за градот е прекинато.
Обновувањето на струјата е невозможно поради постојаните воени дејствија на територијата од градот. Веќе неколку месеци во Луганск не се исплатени плати, пензии и социјална помош.