Брисел, 17 септември 2014 (МИА) - Одлуката на украинските власти за доделување на посебен статус на Доњецката и Луганската област ќе придонесе за мирно решавање на конфликтот во источниот дел на Украина, изјави денеска портпаролот на високиот претставник на ЕУ за надворешни работи и безбедност Кетрин Ештон, Маја Коцијанчич.
Таа уште нагласи и дека ЕУ ги осудува сите прекршувања на договорот за прекин на огнот во Украина.
Украинската Врховна рада вчера усвои закон со кој на Доњецката и Луганската област им се доделува посебен самоуправен статус за период од три години.
По усвојувањето на законот украинскиот премиер Арсениј Јацењук изјави дека нема да дозволи легализација на самопрогласените Доњецка и Луганска Народна Република. - Тоа е мојата политичка позиција, рече Јацењук.