Врховниот командант на НАТО за Европа, американскиот генерал Филип Бридлав, изјави дека малку верува во двонеделното примирје меѓу украинската армија и проруските сили во источниот дел на Украина.
Во обраќање пред новинарите во главниот град на Литванија, Бридлав изјави дека договорот постигнат овој месец е примирје само по името, додека се што се случува на терен е целосно друга работа.
Насилствата, вклучително бројот на артилериски истрели изминатите неколку дена е ист како и пред прекинот на огнот, нагласи Бридлав.
Американскиот генерал изрази надеж дека тоа ќе се промени и дека договорот постигнат вчера, за формирање на тампон зона меѓу украинската армија и проруските сили ќе доведе до стабилизација на ситуацијата.
Бридалв се наоѓа во Вилнус на состанок на воените шефови на земјите членки на НАТО.