Москва, 2 октомври 2014 (МИА) - Рускиот вицепремиер Дмитриј Рогозин денеска изјави дека притисокот кој Западот пред 20 години го вршеше на Балканот, а кој денеска го применува врз Русија, нема да има никаков ефект за оваа земја.
- Пред 20 години Западот кон Балканот постапуваше на истиот начин, така што на официјален Белград му воведе санкции поради она што се случуваше во соседна БиХ. Но Русија не е Балканот. Западот треба да заборави на такво нешто, напиша Рогозин на својот Фејсбук профил.
Неговиот коментар е одговор на медиумските шпекулации дека ЕУ би можела да ги прошири санкциите против Русија, доколку проруските сили ги заземат аеродромите во Доњецк и Мариупољ.