Москва, 21 октомври 2014 (МИА) - Москва ќе направи се што е во нејзина моќ да поддржи продолжување на разговорите за Сирија, изјави денеска рускиот министер за надворешни работи Сергеј Лавров.
- Ние се залагаме за разговори за едно од клучните прашања. Денес има многу проблеми како што е интензивирање на тероризмот на Блискиот исток и кој ги надминува границите на регионот, наведе тој за време на разговорите со специјалниот пратеник на ОН за Сирија Стефан де Мистура.
- Го поздравуваме вашето именување за таа функција како искусен дипломат. Одамна апелиравме да се обноват настојувањата кризата да се реши по политички пат, додаде тој.
Лавров вели дека бил заинтересиран да ги слушне оценките на Де Мистура за посетата на регионот, а особено на Дамаск.
- Ќе направиме се што е во наша моќ да поддржиме настојување да се обнови политичкиот процес во кој ќе се земе предвид искуството од минатото и грешките, заклучу шефот на руската дипломатија.