Варшава, 20 ноември 2014 (МИА) - Германската канцеларка Ангела Меркел денеска во Полска повтори дека безбедноста во Европа на среден и на долг рок може да биде гарантирана само заедно со Русија.
- Затоа санкциите не се само цел. Сакам да водам дијалог со Русија, истакна Меркел во Кшижова, југозападна Полска, на 25-годишнината од историското помирување меѓу Германија и Полска.
Таа истакна дека територијалната целост на Украина е нарушена и ги увери Полјаците, кои сстравуваат од настаните на источната граница, дека солидарноста на НАТО е еднаква за сите земји-членки и оти Германија ќе го почитува тој принцип во случај на потреба.
Таа повторно ја призна одговорноста на Германците за ужасите од Втората светска војна.