Британките во 2016 година во првите борбени редови

Лондон, 19 декември 2014 (МИА) - Велика Британија би можела првпат да им дозволи на жените да се борат во првите борбени редови од 2016 година, соопшти денеска британскиот министер за одбрана Мајкл Феон, а со тој чекор британската војска би се усогласила со некои други западни сили. 

Британската војска сега им дозволува на жените да се борат на линијата на фронтот, но не и да се придружуваат кон единиците, чија главна задача е да се борат и да го убиваат непријателот. 

САД, Австралија и Канада се меѓу земјите, кои веќе имат жени во првите борбени редови. 

Британското Министерство за одбрана соопшти дека Британките за чекор се приближиле кон одобрувањето да се приклучат во првите борбени редови, откако со анализа е утврдено дека мешовитите групи не би ја поткопале поврзаноста во војската. 

Министерството меѓутоа нагласува дека е поторебно натамошно истражување пред на Британките да им се даде зелено светло за фронтална борбена улога.