Париз, 27 јануари 2015 (МИА) - Франција ги повика денеска своите партнери од ЕУ за зајакнување на борбата против финансирањето на тероризмот со предлагање нови мерки што имаат за цел таквите трансакции да ги направат потранспарентни.
Францускиот министер за финансии Мишел Сапин нагласи дека целта е да се забрза утврдувањето на новиот договор на ЕУ во борба против перењето пари, како и забрзување на комплементарни мерки со кои ќе се овозможи лоцирање на сите мали трансакции, кои се „срце“ на финансирањето на тероризмот.
Париз се залага за поцврста соработка во размена на разузнавачки податоци поврзани со перењето на пари, поостри закони за замрзнување на сомнителни сметки и подобрување на способноста на царинските службеници да влезат во трага на работите.
Сапин истакна дека очекува добар прием на прелогот на Париз од останатите министри за финансии на земјите членки на ЕУ, бидејќи тероризмот ги засега сите држави.
Во терористички напади на почетокот на јануари годинава во Париз загинаа 20 лица.