Москва, 30 јануари 2015 (МИА) - Русија нема да дозволи други држави да станат воено посупериорни од неа, изјави рускиот министер за одбрана Сергеј Шојгу, најавувајќи план за модернизација на Вооружените сили на Руската Федерација.
- Задачата што ни ја постави претседателот (Владимир Путин) за зачувување на воената супериорност на земјата, ќе ја исполниме безусловно, изјави Шојгу на средба на колегиумот на Министерството за одбрана.
Тој најави дека се извршени измени во планот за дејствување на Министертзвото за одбрана за 2015 година, согласно новонастаната воено-полиитчка ситуација околу Русија.
Како што јави ТАСС, со измените, според Шојгу, се превидува зајакнување на борбениот потенцијал на руските Вооружени сили.
- За таа цел се предвидува стратешко зајакнување на воените единици, рече Шојгу.