Меркел во среда на Колеџот на комесари во Брисел

Брисел, 27 февруари 2015 (МИА) - Германската канцеларка Ангела Меркел, во среда во Брисел ќе присуствува на Колеџот на комесари што го предводи претседателот на Европската комисија, Жан-Клод Јункер.

Како што јавува дописникот на МИА од Брисел, првата дама на земјата што најмногу придонесува во буџетот на Европската унија, се очекува со еврокомесарите да разговара за Европската монетарна унија, за ситуацијата во Украина и односите со Русија, како и за Транслантлантскиот трговски и инвестициски договор меѓу ЕУ и САД.

Покрја присуство на редовниот состанок на Колеџот на комесари, Меркел е предвидено и да оствари посебна средба со Јункер, со кого главна тема е илјада милијарди евра вредниот Инвестициски план на Еврокомисијата, а и потоа да одржи прес-конференција и да одговори за сите отворени прашања на Унијата.