Москва, 5 март 2015 (МИА) - Рускиот претседател Владимир Путин денеска изјави дека Италија е еден од привилегираните партнери на Русија и покрај потешкотиите во односите со Европска унија.
- Италија е несомнено еден од нашите привилегирани партнери во Европа и во светот, а трговско-економските врски се прилично добри и покрај се, истакна Путин на средбата со италијанскиот премиер Матео Ренци во Москва.
Путин посочи дека Италија е на четвртото место според трговската размена со Русија.
Ренци пред средбата со Путин истакна дека теми на разговорите ќе бидат односите Русија - ЕУ. насилството во Либија и друго.
Ренци пред средбата со Путин положи цвеќе на местото каде што во петокот беше убиен рускиот опозиционер Борис Немцов.