Програма за локалните продуценти во рамки на работилницата на ЕАВЕ

Скопје, 29 јуни 2015 (МИА) - На програмата намената за локалните продуценти EAVE@Skopje, која се одржува вчера и денеска во рамките на EAVE работилницата за продуценти, сопственичката на Maneki Films Дида Домери водеше пленарна сесија на тема: „Продажба и меѓунарорен пазар“. 

- Домери говореше за важите елементи кои треба да ги содржи секој договор помеѓу продуцентот и агентот за продажба, на што треба да обрне внимание продуцентот при избор на агент за продажба, фазите на проектот во кои е најдобро продуцентот да побара агент за продажба, видови на права кои продуцентот може да му ги отстапи на агентот за продажба и дистрибутерот итн. Присутните продуценти имаа можност да дознаат повеќе за начините на кои можат да одберат агенти за продажба, преку присуство на филмски фестивали, копродукциски маркети и други настани од овој тип, и како да развијат маркетиншка, фестивалска и продажна стратегија, соопшти Агенцијата за филм на РМ. 

Домери работела како менаџер на меѓународна продажба во Films distribution во период од 2001 до 2009. Во 2009 година ја основала продуцентската куќа Maneki Films и учествувала како продуцент и копродуцент во реализацијата на голем број француски и меѓународни  филмски остварувања како „Return to Ithaka"; „7 Days in Havana"; „11 Flowers"; „Elefante Blanco"...