|
|
|
Познати младенците на 42. Галичка свадбаБилјана Геговска и Филип Белчев се годинашни невеста и зет на 42. Галичка свадба која на 11 и 12 јули ќе се одржи во Галичник во рамки на „Галичко лето 2015“.
– Имавме повеќе кандидати, но Советот на месната заедница Галичник како организатор на манифестацијата се определи за овој пар. Билјана е од Галичник и досега учествувала во многу свадби и спотови за оваа манифестација, рече Митре Аџиевски, претседател на МЗ Галичник.
Инаку, Билјана Геговска има 29 години, е дипломиран правник по професија и е вработена во приватна градежна компанија. Филип, пак, има 26 години и по професија е професор по македонски јазик и во моментов е невработен.
– Чувствувам голема возбуда и среќна сум што ќе бидам галичка невеста. Уште како дете се замислував да бидам невеста во оваа носија и тоа го посакував повеќе отколку да бидам во бел фустан. Носијата е тешка, но се чувствувам убаво, вели Геговска.
Зa Филип чест е, вели, да се биде дел од оваа традиционална манифестација и да се прави свадба според традиционалните обичаи.
Билјана Геговска потекнува од старо галичко семејство, а нејзиниот татко е сопственик на коњичкиот клуб „Бистра“ од Галичник. Според Аџиевски, од тие причини немале проблеми со обуката на невестата и на зетот бидејќи и двајцата се искусни јавачи и може да ги исполнат сите барања во однос на самите свадбарски обичаи.
Годинашниот галички пар го очекува и класична свадба на 5 септември.
Во рамки на овогодишното „Галичко лето“ ќе се одржат книжевна и ликовна колонија. Книжевната колонија „Галичник“ традиционално се одржува во првата половина на август, но поради смртта на истакнатиот поет Тодор Чаловски, по потекло од Галичник, годинава манифестацијата е поместена за средината на септември. Ликовна колонија, пак, оваа година ќе угости повеќе домашни и странски уметници, а ќе се одржи од 15 до 23 август.
По повод верскиот празник Преображение ќе биде организирана свеченост, а црквата „Св. Петка“ ќе биде цела ноќ отворена за посетители.
Галичката свадба која е основен белег на Галичкото културно лето обединува над 30 свадбени обичаи карактеристични за мијачкиот крај од кои повеќето и денес се изведуваат за време на свадбени веселби.
|
|
|
|
|
|
|
|
IDIVIDI Речник
|
|
|
|
Powered by MagnumPRO |
|
|
Виц на денот |
|
Две плавуши прават муабет за култура. - Си го гледала оној филмот ТИТАНИК? - Да, да , и тоа три пати. - А која сцена ти остави највеќе впечаток. - Онаа кога беа на бродот.
|
|
|
|
Состојба на патиштата |
|
Сообраќајот на државните патишта се одвива непречено, по наместа влажни коловози.
ФРЕКВЕНЦИЈА: Интензитетот на сообраќај на патните правци надвор од градските средини е умерен.... |
|
|
|
Верски календар |
|
|
|
|
На денешен ден |
|
- Денеска е Светски ден на дрвјата
- Денеска е Светски ден на интелектуалната...
121.- Роден е Марко Аврелиј, римски цар...
1452.- Роден е италијанскиот сликар, вајар,...
|
|
|
|