Средба на лидерот на ДУИ Ахмети со норвешкиот амбасадор Нилс Рагнар КамсвагСкопје, 7 јули 2015 (МИА) - Претседателот на Демократската унија за интеграција Али Ахмети денеска во партиското седиште во Тетово имаше средба со амбасадорот на Норвешка, Нилс Рагнар Камсваг, на која разговарале за политичките случувања во Македонија и регионот, за политичкиот дијалог и кризата во која се наоѓа земјата и за нејзината евроатлантска интеграција. Партијата соопшти дека Ахмети го запознал норвешкиот амбасадор за политичките ставови и нагласил дека ДУИ ги ставила државните интереси пред партиските интереси бидејќи „бара трајно решение за сите граѓани и за државата“. - Сите договорени реформи од локалните лидери ќе ја приближат земјата до европските стандарди но, исто така, ќе ги направат институциите во земјата подоверливи за граѓаните. Исто така, лидерите се согласија за Охридскиот договор, меѓуетничките односи и евроатлантската интеграција. Затоа, одговорноста на двајцата македонски лидери е многу голема и сите граѓани отчекуваат тие да ги надминат меѓу себе што е можно поскоро, за земјата да се движи напред. Брзото решавање на кризата, исто така, помага да се врати фокусот на евроатлантската агенда, која е приоритет за сите нас, информира ДУИ.
|