Лидерот на СДСМ Зоран Заев денеска во Пехчево изјави дека СДСМ останува на ставот за една изборна единица која, како што вели, ќе биде во функција на граѓаните, демократијата и државата.
- Нашиот став за една изборна единица е во функција на граѓаните, демократијата и државата. Ќе спречи да се случат моќни функционери на апсолутистички начин да воспостават режим како што е актуелниот, изјави Заев на средбата со граѓаните во Пехчево.
Според него, мнозински модел значи бипартитен систем. - Со една изборна единица се вреднува гласот на граѓанинот во земјата исто и на дијаспората, рече Заев.
Претходно во Берово, Заев одржа работна средба со пратеничката група на Социјалдемократскиот сојуз на Македонија, на која, како што соопшти партијата, станало збор за нивното враќање во Собранието на РМ на 1-ви септември.
Како што информираат од СДСМ, покрај одржувањето средби со граѓаните Заев денеска ќе ја посети и фабриката за мебел ФАГУС во Пехчево, каде што ќе има средба со сопствениците, менаџментот и вработените во оваа фабрика.