Учениците од „Арсени Јовков“ пуштени на домашно лекување

Скопје, 1 октомври 2015 (МИА) - Четиринаесет ученици од Средното економско и правно училиште на Град Скопје „Арсени Јовков“ кои со симптоми на кашлање и солзење на очите вчера попладне и вечерта биле примени на Клиниката за токсикологија, се пуштени на домашно лекување. Тројца ученици кои со истите симптоми вчера биле примени во Градската општа болница „8 Септември“, исто така се пуштени на домашно лекување.

Доктор Нестор Поповски од Клиниката за токсикологија денеска изјави дека од примените ученици, еден бил задржан на хоспитализација и по неколку часа е пуштен на домашно лекување.

- Сите направени испитувања беа во границите на нормала така што ниту едно дете не е во каква било опасност. Може и денеска да има некои тегоби во смисла на кашлање и печење на очите, но други симптоми нема. Денеска четири - пет лица дојдоа на контрола, немаат никакви посебни симптоми и дадена е терапија повеќе за иритација на очите, рече Поповски.

Појасни дека вчера земените материјали за анализа испратени се на испитување, а резултатите веројатно ќе бидат негативни.

- Мислам дека тоа било детска игра, детска шега, отколку нешто посериозно. По кажувањата на професорите, имало чад. Може да биле и димни бомби. Ние точно не можеме да кажеме за што се работи. Според мене, ако е солзавец тоа е поголема количина, би се јавиле повеќе луѓе и симптомите би биле повеќе изразени. Ова е обична иритација без некои компликации. Никој не се јави со компликации, додаде доктор Поповски.

Во врска со случајот МВР соопшти дека вчера околу 15:50 часот од страна на лице вработено како обезбедување во СУГС „Арсени Јовков“, пријавено е дека во училиштето за време на големиот одмор засега непознато лице или лица испрскале непозната иритирачка материја.

Веднаш по пријавувањето на настанот од страна на полициски службеници од СВР Скопје, преземени се мерки и активности и од извршените разговори е констатирано дека истиот ден за време на големиот одмор од втората смена, повеќе ученици почнале да излегуваат во училишниот двор и да се жалат на печење во грлото, носот и очите.

Одговорното лице за физичко обезбедување во училиштето, кој бил во училишниот двор за настанот веднаш ја известил директорката на училиштето, која повикала Итна медицинска помош, со чии возила учениците се пренесени и хоспитализирани во Клиничкиот центар „Мајка Тереза“ на Институтот за токсикологија и во ГОБ „8 Септември“, при што на сите им е констатирана иритирачка кашлица и гушење, предизвикана од непозната материја и по укажаната помош сите се пуштени на домашно лекување. За настанот е известен јавен обвинител и се преземаат мерки за целосно расчистување.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот

Две плавуши прават муабет за култура.
- Си го гледала оној филмот ТИТАНИК?
- Да, да , и тоа три пати.
- А која сцена ти остави највеќе впечаток.
- Онаа кога беа на бродот.
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Сообраќајот на државните патишта се одвива непречено, по наместа влажни коловози. ФРЕКВЕНЦИЈА: Интензитетот на сообраќај на патните правци надвор од градските средини е умерен....
Верски календар
На денешен ден
- Денеска е Светски ден на дрвјата
- Денеска е Светски ден на интелектуалната...
121.- Роден е Марко Аврелиј, римски цар...
1452.- Роден е италијанскиот сликар, вајар,...