Скопје, 9 ноември 2015 (МИА) - Лекар на абдоменална хирурургија во скопскиот Клинички центар е повреден изутрината од огнено оружје откако во него пукал незадоволен пациент.
Инцидентот се случил во 09:30 часот на одделението за абодеменална хирургија. Лекарот, според болнички извори, е повреден во нозете и веднаш по инцидентот е пренесен во операциска сала каде е опериран и е надвор од животна опасност.
Полицијата привела три лица, родени 1979, 1981 и 1985 година. Во моментот, на местото на инцидентот е присутна полицијата и го истражува случајот.
Од МВР најавија подетални информации во текот на денот.