Охрид, 23 ноември 2015 (МИА) – Нема траги на насилство врз безживотното машко тело пронајдено утрово во 8:35 часот во месноста „Бела вода“ во близина на Кичево. Тоа го покажал увидот што на лице место го спровела полициската екипа, заедно со јавен обвинител од Основното Јавно обвинителство, како и од медицински екипи од Општата болница во Кичево.
Според соопштението на СВР – Охрид, од извршеното препознавање на местото каде е забележано безживотното тело, станува збор за лицето Горан С. (44) од Кичево, со место на живеење во Скопје. До телото бил забележан е ловечки карабин со оптички нишан. По извршениот увид а по насоки на јавниот обвинител, телото на сега починатиот е предадено на неговото семејство.
Безживотното тело било забележано утрово во 8 часот и 35 минути од локални жители на потегот помеѓу кичевските села Раштани и Горни Длапкин дол.
Инаку, вчера во 16:30 часот во полициската станица во Кичево како исчезнато лице е пријавен сега починатиот Горан С. По што веднаш било известено Јавното обвинителство и била оформена екипа за потрага.