СДСМ: Да се намали цената на водата во Скопје Скопје, 30 ноември 2015 (МИА) - СДСМ и коалицијата на денешната седница на Советот на Град Скопје предложија цената на водата во главниот град да се намали за 30 отсто, односно да изнесува 20,57 денари за домаќинства и 46,06 денари за правни субјекти.
Советникот од СДСМ Драги Давчевски информира дека Град Скопје претрпува големи загуби со ненаплатата на водата што ја користат Рудници и железарница АД - Скопје.
- Само со ненаплатувањето на водата на Железарница по редовната цена за правни субјекти, јавното претпријатие трпи загуби од минимум 10 милиони евра годишно. И Државниот комунален инспекторат констатира дека ЈП „Водовод и канализација“ е единствен легитимен субјект за управување со водоснабдителниот систем на градот, рече Давчевски.
|