Продолжува зајакнувањето на јужната граница кај котата 59

Гевгелија, 8 февруари 2016 (МИА) - На македонско-грчката граница денеска продолжи зајакнувањето на веќе постојната бариера од страна на припадниците на АРМ, кои на јужната граница им помагаат на полициските безбедносни сили во справувањето со бегалската криза.

Подготовките за поставување на двојната заштитна ограда почнаа уште во саботата попладне кога топовите со жица почнаа да се носат на котата 59, а работите стартуваа вчера кога жицата почна да се поставува неколку метри подалеку од веќе постојната односно од десната страна на патчето покрај лозовите плантажи на поранешен „Винојуг“.

Од ГШ на АРМ потврдија дека од денеска армиските припадници ги отпочнуваат активностите согласно добиените задачи претходно за помош на граничната полиција за зајакнување на постоечката жичана ограда со поставување уште една во близина на постоечката, а немената е, посочуваат, да се спречат нелегални преминувања од грчка страна.