Дeмократската унија за интеграција (ДУИ) доцна синоќа го прекина протестот против изградбата на крст во скопската општина Бутел.
Од партијата најавија дека се повлекуваат пред денешниот христијански празник Задушница. Потпретседателот на ДУИ и градоначалник на Чаир, Иџет Меџити рече дека ќе продолжат да се бараат решенија преку демократски форми. Според Меџити, бил постигнат институционален договор со посредство на меѓународната заедница за почитување на бадентеровиот принцип.
Претходно синоќа исто така во Бутел беше организиран протест на граѓани поддржувачи на изградбата на крстот. Полицијата спречи тие да се приближат до местото каде што протестираа членовите на ДУИ.