Скопје, 27 јули 2016 (МИА) - Скопјанецот С.А. се бори за живот по сообраќајна несреќа која ноќеска се случила на булеварот „Борис Трајковски“ во Скопје.
Како што соопшти полицијата, ноќеска 40 минути по полноќ на булеварот „Борис Трајковски“ во Скопје се случила сообраќајна незгода помеѓу патничко возило „БМВ“ со скопски регистарски ознаки, управувано од М.Д.(43) од Скопје и моторцикл Хонда ЦБР без регистарски ознаки, управуван од С.А. (22) од Скопје.
Во незгодата со тешки телесни повреди се здобил возачот на моторциклот, кој со возило на Итна медицинска помош бил префрлен во Градска општа болница „Наум Охридски“. Тој е неконтактибилен и се наоѓа во животна опасност.
Увид извршила екипа на СВР Скопје.