Демир Капија, 3 август 2016 (МИА) - Две лица загинаа во судирот на патничко моторно возило и автобус на магистралниот пат Удово-Демир Капија што се случи утрово околу 7:20 часот.
Како што информира Лиза Бендевска од МВР, „фиат сеиченто" со скопски регистарски ознаки удрил во автобус со струмички таблички.
- Загинати се возачот и сопатничката од фиатот. Седумгодишно дете кое патувало со нив е префрлено на скопските клиники заради медицинска помош, соопшти Бендевска.
Увидот на местото на сообраќајката сеуште трае. Повеќе детали од МВР најавувија во текот на денот.