Македонски турист загина, а 38 се повредени во тешка сообраќајка во ТурцијаЕдрене, 6 септември 2016 (МИА) - Македонски турист загина, а 38 се повредени доцна синоќа во тешка сообраќајна несреќа во близина на турскиот град Едрене.
Загинатиот е 45-годишен маж. Петмина од повредените се наоѓаат во тешка состојба, додека останатите 33 туристи се полесно повредени. Тие се пренесени во болниците во Кешан и Малкара.
Несреќата се случила кога автобусот со македонски туристи, кој се враќал од Истанбул, удрил во задниот дел од камион, кој се движел пред него.
Според турски медиуми, во притвор се наоѓаат возачот на автобусот и возачот на камионот.
|