Скопје, 6 септември 2016 (МИА) - Приватен авион со германски национални ознаки кој превезувал шест патници исчезнал од радарот на Контролата на летање на скопскиот аеродром „Александар Велики“, на 10 километри од влезно-излезната писта.
Министерството за внатрешни работи информира дека случајот попладнево во 17.40 часот го пријавила Контролата на летање.
Авионот полетал од Тревизо, Италија и во Македонија бил уредно пријавен за дополна на гориво. По половина час се пријавени експлозија и пожар во велешкото село Ветерско и на местото се упатени полициски и противпожарни екипи.
МВР не потврдува дали се работи за уривање на исчезнатиот авион, но некои медиуми објавија дека авионот е пронајден паднат во атарот на селото.