Скопје, 13 февруари 2017 (МИА) - Социјалдемократскиот сојуз на Македонија со соопштение реагира на денешната изјава на заменик-министерот за образование и наука Спиро Ристовски за вработување дополнителни 200 психолози, педагози и дефектолози во училиштата.
СДСМ смета дека најавата на Ристовски е лажна и дека доколку бил искрен ќе посочел и каде се предвидени пари за овие вработувања.
- Училиштата ќе ги добијат потребните педагози, психолози и дефектолози, но нив во училиштата ќе ги обезбеди новата одговорна Влада на граѓаните, наведува СДСМ во соопштението.
Ристовски денеска на прес-конференција информираше дека стручните служби во училиштата ќе бидат комплетирани со 200 нови вработувања, а дека досега биле вработени 105 психолози, 13 педагози и 84 дефектолози.