Општина Зрновци започна со изградбата на стационар за бездомни кучиња

Зрновци, 24 март 2017 (МИА) - Во Општина Зрновци почна да се гради стационар за кучиња кој ќе биде лоциран во кругот на фабриката за селектирање комунален отпад во Зрновци. Ќе зафаќа површина од околу 100 метри квадратни и во него ќе бидат лоцирани четири боксови за сместување на кучињата, а истовремено стационарот ќе нуди и третман на заловените кучиња. Истретираните здрави кучиња ќе можат и да се вдомат.
Градоначалникот на општина Зрновци Блаже Станков информира дека со средства од Општината е набавена оградната мрежа, а се подготвуваат и боксовите за сместување на кучињата. Од општината најавуваат и ангажирање на фирма која стручно ќе се грижи за заловување на кучињата скитници и нивно третирање.
Група младинци од Кочани и Зрновци, кои целосно го поддржуваат градоначалникот Станков за идејата за изградба на стационар ќе помагаат во третирањето и хранењето на кучињата.