Седумнаесет годишниот Х.И. е убиен денеска во село Матка, Скопско, од страна на Е.А. (19) со нож во меѓусебна тепачка, потврдија за МИА од МВР.
Како што информираат од МВР, инцидентот се случил околу 15 часот на влезот од селото Матка при што 19-годишниот Е.А. го прободел со нож во пределот на градниот кош малолетниот Х.И., кој починал на самото место.
Лицето можен сторител е приведено во полициската станица „Ѓорче Петров“ и се работи на расчитување и документирање на настанот, изјавија од МВР.