Скопје, 10 мај 2017 (МИА) - СДСМ во реакција на денешната изјава на претседателот на ВМРО-ДПМНЕ Никола Груевски наведува дека во судството следува реизбор по европски пракси.
- Граѓаните ја одбранија правната држава со тоа што гласаа за демократските промени што веќе се случуваат. Тие промени носат и нова реформска влада којашто ќе обезбеди независно судство преку реизбор на судии по најдобрите европски пракси, се вели во реакцијата.
Во Македонија, соопштуваат од СДСМ, правото ќе важи подеднакво за сите.