Скопје, 11 мај 2017 (МИА) - Времето во Македонија ќе биде сончево и топло со мала до умерена облачност. Ќе дува умерен, а долж Повардарието повремено засилен јужен ветер.
Утринската температура ќе се движи од три до 12, а дневната од 18 до 27 степени.
Во Скопје ќе биде сончево и топло со мала до умерена облачност. Ќе дува умерен засилен јужен ветер.
Утринската температура ќе достигне до шест, а дневната ќе достигне до 26 степени.
До сабота времето ќе биде стабилно со умерен до засилен јужен ветер и со значителен пораст на дневната температура на воздухот. Доста топло се очекува да биде во јужните делови и долж Повардарието и температурата на повеќе места ќе достигне 30 степени.